solving the mystery

at last, nagkaroon din ako ng lakas ng loob (na ang hirap ipunin) para kausapin ang mga profs ko. grabe, sa monday na kase and dropping. oo, nataranta ako. kung eksaj (in English, exagÜ) ko pa sasabihin, as in nagulantang ako!

salamat kay pk. kase swak na swak ang topic sa sbf last night. (at oo, nag-sbf na ko kagabi, after a long time.) sapagkat, gaya ng sinabi ko kay pk, may pwersang humuhugot sa akin mula sa aking kinasadlakan.

kanina, nagbilangan kame ng mga teachers ko kung ilan ang absences ko. buti na lang ung iba hindi laging nag-che-check ng attendance. may eksaktong 6 absences ako dun sa isa. pero ang totoo niyan, hindi ko na pinasukan ang klase niya noon pa mang magsimula ang klase, matapos ang christmas break. (at sinasabi ko lang 'to for FYI, hindi ako proud na nagawa ko 'to. ako ay biktima lamang ng mga unos na dumaan sa aking buhay, ang sabay-sabay na trahedya ng bagyo, tsunami, at lindol na hindi na kinaya ng powers ko. hindi ako si darna! ako ay tao lamang. Ü)

hindi maayos ang lahat ng aking mga asignatura. tatapusin ko lang ang mga pwede ko pang tapusin at gagawan ng paraan ang mga pwede pang gawan ng paraan.

hindi ko pinanghihinayangan ang mga pangyayari, sapagkat alam kong pinatatag ako ng mga unos na ito. at hindi ko maipagpapalit ang mga aral ng buhay na nakuha ko kapalit ng muli kong pagkakadapa.

paulit-ulit lang ang lahat. kung hindi natuto sa unang pagkakataon, meron pang pangalawang pagkakataon. and so on... (ano ba ang "and so on" sa tagalog? ampangit naman kung "hanggang sa muli"... heheÜ)

at ngayon, muli akong babangon...

sabi ko nga nun, hindi pa tapos ang laban!
(ngayon,raratratin ko na sila!!! Ü)

salamat sa mga taong nagdasal para sakin.

salamat sa iyo.